Plantun de Prouvènço

Pèr coumpara dos planto d'encò nostre

Carex nigra & Viola reichenbachiana

Queirello(-negro)

Carex nigra

Cyperaceae

Àutri noum : Moutouso, Sagneto.

Noms en français : Laîche noire, Laîche brune.

Descripcioun :
Queirello coumuno subretout en mountagno dins li relarg umide e bagna. Fai de fiéu (estouloun) dins la terro. A, en generau, un espiguet mascle en aut de l'enflourejado, e de dous à quatre espiguet femelo en dessouto. Aquéli porton de flour emé dous estigmate e d'escaumo bèn nego d'ounte ressort uno grosso costo verdo. Coumpara emé la queirello-auto que ié sèmblo proun, mai rèsto pulèu en basso Prouvènço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Negro
Petalo : ges
Ø (o loungour) enflourejado : 5 à 8 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Palun tourbous - Mueio - Prado umido - Bas-palun
Estànci : Subremediterran à Aupen
Couroulougi : Subrecousmoupoulito
Ref. sc. : Carex nigra (L.) Reichard, 1778

Vióuleto(-de-Reichenbach)

Viola reichenbachiana

Violaceae

Autre noum : Vióuleto-fèro .

Nom en français : Violette de Reichenbach.

Descripcioun :
La vióuleto-de-Reichenbach fai partido dóu group de vióuleto sènso fuio basalo e que fai d'entre-nous amé d'estipulo primo e franjado. Sèmblo proun à Viola riviniana, pamens trachis sus cauquié pulèu que sus siliço. Se destrìo d'aquesto radiero emé si sepalo courteto (< 2 mm), si petalo mens larjo (< 10 mm), soun esperoun vióulet e pas blanc e si fueio pelouso sus lou dessubre (mai pas sus li costo). Coumpara emé la vióuleto-de-Rivinius.

Usanço :
Li flour de vióuleto soun manjadisso, li meiouro soun li mai perfumado, coume Viola odora o Viola suavis. Soun richo en vitamino C e A.

Port : Erbo
Taio : 10 à 25 cm
Fueio : Basalo
Tipe bioulougico : Emicriptoufite
Cicle bioulougico : Planto renadivo

Gènre : Viola
Famiho : Violaceae

Ordre : Malpighiales

Coulour de la flour : Vióuleto
Petalo : irreguliero
Ø (o loungour) flour : 2 à 2.5 cm
Flourido : Printèms

Sòu : Ca (Si)
Autour basso e auto : 0 à 1700 m
Aparado : Noun
Mars à mai

Liò : Faio - Blachiero - Ribo d'aigo - Bos fres
Estànci : Subremediterran à Mountagnard
Couroulougi : Éurasiatico-Cèntre-Ouèst
Ref. sc. : Viola reichenbachiana Jord. ex Boreau, 1857 (= Viola sylvestris subsp. reichenbachiana (Jord. ex Boreau) Tourlet, 1908 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex nigra & Viola reichenbachiana

ges

RRR

ges

Coumpara Queirello(-negro) emé uno autro planto

Coumpara Vióuleto(-de-Reichenbach) emé uno autro planto